काठमाडौँ । बलिउड अभिनेता रणवीर सिंह अहिले फिल्म ‘धुरन्धर’ को ऐतिहासिक सफलतासँगै चर्चामा छन्।
भारतमा ८ सय करोड रुपैयाँभन्दा बढी कमाइ गर्दै यो फिल्मले बलिउड इतिहासमै सबैभन्दा धेरै आम्दानी गर्ने फिल्मको कीर्तिमान बनाएको छ। यस सफलतापछि रणवीरको करिअरको अर्को कदम के हुने भन्ने विषयले मनोरञ्जन क्षेत्र तताएको छ।
यसैबीच ‘धुरन्धर पार्ट–२’ सन् २०२६ मार्च १९ मा रिलिज हुने घोषणा भएसँगै रणवीरका आगामी परियोजनाबारे चासो झन् बढेको छ। आधिकारिक घोषणा भइनसकेको भए पनि भारतीय मिडिया एनडीटीभीका अनुसार रणवीरले ‘प्रलय’ नामक नयाँ फिल्म साइन गरिसकेका छन्।
एनडीटीभीका अनुसार ‘प्रलय’ बलिउडको पहिलो जम्बी एपोकालिप्स कथामा आधारित फिल्म हुनेछ। जम्बी महामारीपछि ध्वस्त भएको संसारमा आधारित यो फिल्मको कथा विनाशपछि अराजकतामा फसेको भविष्यको मुम्बई वरिपरि घुम्ने बताइएको छ। मानव अस्तित्व र बाँच्ने संघर्ष फिल्मको मुख्य विषय रहनेछ।
